«Сыбайлас жемқорлыққа қарсы волонтерлік» жобасы аясында азаматтар тегін құқықтық кеңестер алды
Шымкент қаласы Әділет департаментінің орынбасары А.Исабекованың және адвокаттардың, нотариустардың, заң кеңесшілерінің және жеке сот орындаушыларының қатысуымен «Сыбайлас жемқорлыққа қарсы волонтерлік» жобасы аясында қаламыздағы «Арбат» алаңында азаматтарға тегін құқықтық көмек беру акциясы өтті.
Аталған акция аясында банкрот деп танылу, авторлық құқық алу және түрлі мәселелерімен жүгінген қала тұрғындары сала мамандарынан құқықтық кеңестер алды.
Авторлық құқық алу бойынша жүгінген қала тұрғынына төмендегідей ақпараттар айтылып, сұрақтарына нақты жауап берді. Халықаралық және Қазақстан заңнамасының нормаларына сәйкес ғылыми еңбек, әдебиет, және өнер туындыларына берілетін авторлық құқық үшін туындыны тіркеу, туындыны рәсімдеу немесе басқа да бір қағаз жүзінде көрсету талап етілмейді. Бұл ереже туынды авторының кім екеніне қатысты ешқандай дау орын алмаған жағдайда ыңғайлы.
Авторлықты растау үшін кейде автордың өзіне қатысты ашылмаған жайтты, туындының көшірмесін немесе түпнұсқасын, автор туралы мәлімет пен туынды шығарылған күнді көрсету жеткілікті. Алайда көп жағдайда автор сотқа немесе мемлекеттік органдарға өзінің авторлық құқығын қорғауға жүгінгенде мұндай растау жеткіліксіз, авторға қойылатын сұрақты бірі – авторлық құқығын тіркегенін растайтын құжат бар ма? Мұндай жағдайда автор алдын ала ойластырып, өзіне қажетті құжаттарды реттеуі керек.Туындыға авторлық құқық иелене отырып, өзінің туындысын үшінші бір тұлғалардың пайдалануына рұқсат бере алады, сондай-ақ тыйым да салады. Туындының тіркелгені туралы куәлікті ала отырып оны салық, кеден, құқық қорғау органдары мен сотқа көрсете алады. Авторлық құқықты ресми тіркеу туындыны ақшалай бағалауда да қажет. Студенттер мен ғылыми қызметкерлер үшін туындыны шығарғанына авторлықты ресми растау басылымға жариялау ретінде көрсетіледі, диплом немесе ғылыми атақ алу кезінде маңызды. Кей авторлар үшін бұл жаңа өнім тудыруға, кей жағдайда өзінің шығармашылық қабілетін қанағаттандыруға ынталандыру болып саналады. Авторлық құқықтың тіркелу саны университет үшін рейтинг көтеруге көмектеседі және ғылыми жұмыстар үшін грант алуға сеп болады.