BasNewsЖаңалықтар
Астанадағы тұрғын үй кешендерінің бірінде өрт шықты
15 ақпан күні сағат 18:21-де Астанадағы Тәуелсіздік даңғылы, 21 мекенжайында өрт шықты. 8 минуттан кейін оқиға орнына жеткен өрт сөндірушілер пәтерде қатты түтін шығып жатқанын анықтаған, деп хабарлайды basnews.kz.
Өрт сөндірушілер автокөлік сатысының көмегімен әйелді құтқарып, жедел жәрдем бригадасына тапсырды. Өрт сағат 18:57-де оқшауланды.
Оқиға орнында Астана төтенше жағдайлар департаментінінің жеке құрамынан 22 адам және 7 техникасы жұмылдырылды.
«Пәтердің асхана бөлмесінде 15 шаршы метр аумақ, жиһаз (диван), үй заттары және керілген төбе жанған. Өрт сөндіру барысында елордалық өрт сөндірушілер 30 адамды, оның ішінде 12 баланы қауіпсіз жерге көшіріп, 3 адамды, оның ішінде 1 балағы құтқарды. Оқиға орнында құтқарылған үш адамды жедел жәрдем бригадасы тексеріп жатыр», – деп хабарлады Төтенше жағдайлар министрлігінің баспасөз қызметі.