Синоптиктер алматылықтарға ескерту жасады

Қазгидромет Алматы мен Қазақстанның тағы үш қаласының тұрғындарына ескерту жасады, – деп хабарлайды basnews.kz.

«2024 жылғы 2 тамызда Алматы, Өскемен, Риддер қалаларында, түнде Атырауда қолайсыз метеорологиялық жағдайларға байланысты ауаның ластануы күтіледі. Бұл қалаларда ауа райы атмосферада ластаушы заттардың жиналуына ықпал етеді», – делінген хабарламада.

Қолайсыз метеорологиялық жағдайлар – атмосфералық ауаның беткі қабатында зиянды заттардың шоғырлануына ықпал ететін қысқа мерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.