18 наурызда Nur Otan партиясы Саяси кеңесінің отырысы өтеді
Нұрсұлтан Назарбаев Nur Otan саяси партиясының Саяси кеңесінің кеңейтілген отырысын өткізу туралы Қаулыға қол қойды, деп хабарлайды Тұңғыш Президенттің баспасөз хатшысы.
«Nur Otan саяси партиясының Төрағасы Нұрсұлтан Назарбаев 2020 жылдың 18 наурызда партияның Саяси кеңесінің кеңейтілген отырысын шақыру туралы Жарлыққа қол қойды. Онда 2020 жылға арналған партияның негізгі міндеттері талқыланады» делінген Елбасының баспасөз хатшысы Айдос Үкібайдың twitter-дегі жазбасында.
Елбасы бүгін Nur Otan саяси партиясы төрағасының бірінші орынбасары Бауыржан Байбекті қабылдаған болатын. Н.Назарбаев азаматтардың мәселелерін шешуде партияның белсенді болуының маңыздылығын айта келе, халықтың өмір сүру деңгейін жақсартуға бағытталған іс-шараларды жүзеге асыру тұрғысынан өңірлердегі инфрақұрылымдық даму мәселесіне тоқталды.
