Жаңалықтар
Жезқазғанда құтқарушылар қарт әйелге көмектесті
Құтқарушылар пәтерге терезеден кірген.
Үйдің тұрғыны құтқарушыларға хабарласып, көршісі есікті ашпайтынын және телефонға жауап бермейтінін айтты. Оқиға Жезқазған қаласындағы тұрғын үйлердің бірінде болған.
ТЖМ жедел-құтқару жасағының қызметкерлері пәтердің есігін ашуға тырысқанымен аша алмаған. Кейін олар торды алып тастап, пәтерге терезеден кірді. Құтқарушылар әженің зардап шекпегеніне көз жеткізіп, жедел жәрдем қызметкерлеріне есікті ішінен ашқан.
– Пәтерде 1938 жылы туған әжей болды, ол денсаулығына байланысты есікті өздігінен аша алмаған, – делінген ТЖМ ақпаратында.