Демалысқа шыққанда әрбір минут алтынмен тең. Алайда, әсіресе жазғы маусымда шетелдік ірі әуежайлардағы ұзын-сонар кезектер, құжат тексеру мен транзиттік аймақтағы сағаттап күту демалыстың алғашқы күнін-ақ құртып жатады. Бүгінде әлемдік туризмде уақытты үнемдеу — басты тренд.
Жақында Дүниежүзілік саяхат және туризм кеңесі (WTTC) жариялаған қызықты дерек бар: жаңа биометриялық Ену/Шығу жүйесінің (EES) енгізілуіне байланысты Шенген аймағының шекарасында 3–4 сағаттық кезектердің пайда болу қаупі саяхатшылардың үштен бір бөлігін Еуропаға барудан бас тартуға мәжбүр етуде.
Егер сіз де жолда уақыт жоғалтпай, ұшақтан түсе сала бірден демалысқа кіріскіңіз келсе, әуе логистикасы мен шекара процедуралары барынша жеңілдетілген бағыттарды таңдағаныңыз жөн. Бұл тұрғыда бізге көршілес әрі визасыз режим ұсынатын cелінің әуежайлар желісі нағыз уақыт үнемдеудің үлгісін көрсетіп отыр.
Тікелей рейстер: Жолда уақыт үнемдеу
Қазақстандық туристер үшін ең басты қолайлылық — еліміздің негізгі қалаларынан Түркияның кез келген туристік аймағына тікелей әуе қатынасының жолға қойылуы. Ыстамбұлдың екі алып әуежайынан бөлек, Эгей жағалауының інжу-маржандары Измир мен Муглаға, Жерорта теңізінің басты шипажайы Антальяға тікелей ұшу мүмкіндігі бар. Тіпті аңызға айналған Каппадокияға да жақын маңдағы әуежайлар арқылы небәрі бірнеше сағатта жетуге болады.
Мұндағы басты логистикалық хаб — Ыстамбұл әуежайы (İGA) жаһандық авиацияда жылдамдық пен жайлылық бойынша жаңа стандарттар орнатуда. Биыл 31 мамырда бұл әуежай бір күнде 1730 рейсті қабылдап, өзінің тарихи рекордын жаңартты. Әуежайдың өткізу қабілеті мен жолаушылар ағынын реттейтін заманауи технологиялары шекаралық бақылаудан жылдам өтіп, багажды тез алуға мүмкіндік береді.
Әуежайдан қалаға жылдам жету: Трансфер мәселесі
Шетелге алғаш рет немесе балалармен шыққанда әуежайдан қонақ үйге жету де үлкен уайым тудырады. Түркияның туристік қалаларында бұл мәселе толық шешілген:
-
Ыңғайлы қоғамдық көлік: Ыстамбұл мен Измирде әуежай терминалынан тікелей метро желілері мен муниципалды жылдам автобустар қатынайды.
-
Тікелей шаттлдар мен трансфер: Анталья, Бодрум мен Даламан әуежайларынан туристік аймақтарға және қала орталығына тікелей апаратын ыңғайлы Havaş немесе Muttaş автобустары мен жеке қонақүй трансферлері жолға қойылған.
-
Кеңейтілген жазғы маусым: Түркияның жылы климаты жазғы маусымды қыркүйек және қазан айларына дейін ұзартады. Бұл дегеніміз — күз айларында да кезексіз әрі қолайлы бағада кәусар теңіз бен дайвинг демалысын жоспарлауға болады деген сөз.
Демалысыңызды кептеліс пен шекаралық кезекте тұрумен өткізбей, алғашқы минуттан бастап жайлылықты сезінгіңіз келсе, әуе тасымалы мен инфрақұрылымы кедергісіз дамыған бағыттарға басымдық беріңіз. Сапарыңыз сәтті болсын!
