Аягөздегі дүлей дауыл болды

Шығыс Қазақстан облысы Аягөз қаласында 16 маусымда кешке дүлей дауыл тұрды, – деп хабарлайды Basnews.kz ақпарат порталы Tengrinews.kz сілтеме жасап.

Жергілікті тұрғындар дауыл салдарынан үйлердің шатыры ұшқанын, ағаштардың құлап жатқанын, сондай-ақ өте үлкен құйынды видеоға түсірді.

ШҚО ТЖД баспасөз қызметіндегілер қазір мамандар қаланың зардап шеккен аудандарына шыққанын және мәлімет жинап жатқанын хабарлады. «Қазгидромет» аймақта кеше және 17 маусымда ауа райы бұзылатынын ескерткен.