Қазақстандық қоғамның әшекейі ұлттық, діни, демографиялық, әлеуметтік, кәсіби және басқа да өлшемдерде өте бай.
Қазақстанның ұлттық идеясы мынадай негіз қалаушы қағидаттарды қамтиды: республиканың көпұлтты халқының теңдігі; мемлекетті құрайтын этностың — қазақ халқының жауапкершілігі; діни сенім бостандығы; қоғамға және өз отбасына еңбек етуге қабілетті әрбір адамның заңға бағынуы және өзін-өзі қамтамасыз етуі.
Осы қағидаттардың барлығы Қазақстанда тұратын барлық халықтар мен этникалық топтардың тарихи тағдырларының ортақтығына негізделеді.
Адам елдің патриоты болуы үшін оның барлық өлшемдерде, оның ішінде ұлттық, тілдік, мәдени, діни жағынан тең дәрежеде өзін толыққанды сезінуі маңызды.
Шымкенттегі этникалық қатынастар саласындағы жағдайдың жалпыланған сипаттамасы тезистік түрде келесідей:
— облыстағы ұлтаралық келісім атмосферасы;
— этникалық негізде наразылық акцияларының болмауы;
— ұлттық-мәдени дамудың оң үрдістері;
— этностардың ұлттық өзін-өзі жүзеге асыруы, олардың жалпы қазақстандық азаматтық және рухани тұтастығын қалыптастыру үшін қолайлы жағдайлардың болуы;
— биліктің атқарушы органдарының этномәдени қоғамдық бірлестіктермен жүйелі өзара іс-қимылы;
— этномәдени бірлестіктерді мемлекеттік қолдау;
— ұлттық бірлестіктер, жұртшылық активінің өңірдің ұлттық-мәдени даму іс-шаралары мен бағдарламаларын іске асыруға қатысуы;
— ғылыми қоғамдастықтың ұлтаралық келісімді қамтамасыз етуге қатысуы;
— сан жағынан басым қазақ халқының шоғырландырушы рөлі.
Қоғамдық келісімнің бас институты, жалпы республикалық деңгейде халық мүдделері өкілдігінің жалпыұлттық саяси емес органы Қазақстан халқы Ассамблеясы, қалалық деңгейде – Шымкент қаласының Қазақстан халқы Ассамблеясы болып табылады, ол өз қатарында 17 этномәдени бірлестікті біріктіреді.
