Шымкент: Тұтынушылардың құқықтарын қорғау және арыз-шағымдары бойынша атқарылып жатқан жұмыстар
Мемлекет басшысы Қасым-Жомарт Кемелұлы Тоқаев «Халық үніне құлақ асатын мемлекет» – бұл, шын мәнісінде, «Әділетті мемлекет» құру тұжырымдамасы екендігін және азаматтардың шағым-арыздарын тыңдап, көріп қана қою жеткіліксіз. Ең бастысы – дұрыс және әділ шешім шығару қажет екендігін атап өтті.
Бүгін Ақпараттық-коммуникациялық орталығында өткен брифингте Шымкент қаласының тұтынушылардың құқықтарын қорғау департаменті басшысының орынбасары Б.Салхожаев департаментінің 8 айда атқарылған жұмыстары туралы баяндады.
Қазіргі уақытта тұтынушылардың құқықтарын қорғау саласындағы заңнаманы жетілдіру жұмыстары жалғасуда, келіп түскен арыз-шағымдар бойынша жұмыстар жүргізілуде. 2022 жылдың 8 айында Тұтынушылардың құқықтарын қорғау Департаментіне тұтынушылардан 1205 шағым түсті, бұл 2021 жылдың (491 шағым) сәйкес кезеңімен салыстырғанда 245%-ке артық.
Департаментке келіп түскен жалпы 1205 өтінішті салалар бойынша қарағанда: бөлшек сауда – 438; электрондық коммерция – 136; көлік қызметі – 134; қоғамдық тамақтандыру – 101; тұрғын үй-коммуналдық шаруашылық – 87; тұрмыстық қызмет көрсету – 74; байланыс қызметтері – 68; медициналық қызметтер – 50; туристік қызмет көрсету – 47; қаржылық қызметтер – 41; білім беру қызметтері – 27; және жоғарыда аталған санаттарға кірмейтін шағымдар – 2 .
Осы 1205 өтініштің 245- өтініш бойынша түсіндіру жұмыстары жүргізілді немесе 20% түсіндірілген, 892- өтініш бойынша қанағаттандырылды немесе 74% қанағаттандырылған, 46 — өтініш қайта бағытталды немесе 4% қайта бағытталған, 2- өтініш кері қайтарып алынды, 20- өтініш немесе 2% қаралу мерзімі келесі айға өтті.
Департамент мемлекеттік органдармен өзара іс-қимыл жасау, өтініштерді қарау сапасын арттыру және талап-арыз жұмыстарын жүргізу арқылы тиімділікті арттыруда.
Ағымдағы жылдың 8 айында Департамент 10 жоспардан тыс тексеру жүргізіп, өткен жылмен салыстырғанда өсу қарқыны 90% құрады (2021 жылы 8 айда 1 тексеру жүргізілген). Жүргізілген тексерулер нәтижесінде орта және ірі кәсіпкерлік субъектілері 336,9 мың теңге айыппұл түрінде 4 әкімшілік жауапкершілікке тартылып, өткен жылмен салыстырғанда 9%-ға өскен (2021 жылы айыппұл сомасы 30,6 мың теңге құрайды), сондай-ақ 6 кәсіпкерлік субъектісіне әкімшілік жауапкершілікке тартылып – ескерту берілді. Сондай-ақ Департамент бақылау субъектісіне бармай профилактикалық бақылау нәтижесі бойынша 2 кәсіпкерлік субъектісін әкімшілік жауапкершілікке тартып – 2 ескерту берілді.
