Ресейдің Челябинск қаласындағы ауруханада жарылыс болды
Ресейдің Челябинск қаласындағы емханада оттегі қоймасы жарылды, – деп хабарлайды BasNews.kz
Өңірдің денсаулық сақтау министрлігінің баспасөз қызметі ғимараттан 150 адам эвакуацияланғанын хабарлады. Олар жергілікті стадионның ғимаратына орналастырылды. Оқиға болған жерде өртсөндірушілер жұмыс істеп жатыр, зардап шеккендер жоқ.
«Оттегі баллондары сақталған шаруашылық қоймада өрт шықты. Нәтижесінде осы баллондардан жарылыс пайда болды. Зардап шеккендер жоқ», – деді төтенше жағдайлар қызметіндегілер.
Өңірлік денсаулық сақтау министрлігі аурухананың реанимациясындағы науқастар оттегімен қамтамасыз етілгенін атап өтті. Дәрігерлер зардап шеккендердің жағдайын бағалап, қажет болған жағдайда оларды басқа ауруханаларға ауыстырады.
Өрт аумағы 50 шаршы метр. ТЖ орнында өрт сөндірушілер жұмыс істеп жатыр.
