Қазақстанда COVID-19 бен пневмониядан 123 адам қайтыс болды

Денсаулық сақтау министрлігі бір тәулікте коронавирус пен пневмониядан 123 науқас қайтыс болғанын мәлім етті, – деп хабарлайды Basnews.kz тілшісі.

Министрлік мәліметінше, 14 тамызда коронавирус жұқтырғаны расталған 98 адам қайтыс болған. ПТР-сынамасы теріс нәтиже көрсеткен 25 адам пневмониядан қайтыс болды.

Сондай-ақ, 16 тамыздағы мәлімет бойынша 119 547 адам коронавирус инфекциясынан (114 790 КВИ+ және 4 757 КВИ-) емделіп жатыр, олардың ішінде:

•  31 910 пациент стационарда,
• 87 637 науқас амбулаториялық деңгейде ем қабылдап жатыр.

КВИ+, КВИ- шалдыққандардың арасында:

• 1 937 адамның жағдайы ауыр,
• 507 пациенттің жағдайы өте ауыр,
• 228 науқас жасанды тыныс алу аппаратында жатыр.