Өткен тәулікте елордаға 200-ден астам адам шетелден ұшып келген
27-28 наурыз аралында елордаға шетелден үш рейс келген, деп хабарлайды BasNews.kz
«Бұл рейстермен келген адамдар саны – 227. Олардан сынама алып, зертханалық жағдайда тексеріп жатырмыз», – деді Нұр-Сұлтан қаласы қоғамдық денсаулық сақтау басқармасының басшысы Сәуле Қисықова.
Ал, 22-27 наурыз аралығында елордаға барлығы 18 рейспен 1485 жолаушы келген.
«Нұрcұлтан Назарбаев атындағы халықаралық әуежайға келетін адамдарды оқшаулау бойынша жұмыстар жүргізіліп жатыр. 22 -27 наурыз аралығында елордаға 18 рейспен 1485 жолаушы келді, оның ішінде үшеуі – сәби. Барлық жолаушылардан зертханалық зерттеулер үшін биоматериалдары алынды. Қазіргі кезде олардың үшеуінен коронавирус анықталды. Оларды оқшаулап, байланыста болған адамдарды анықтау жұмыстары жалғасуда», – деді Сәуле Қисықова.
