Елімізде коронавирус індетінен тағы бір адам көз жұмды
Бүгін Нұр-Сұлтанда коронавирустан тағы бір адам қайтыс болды. Бұл туралы қалалық қоғамдық денсаулық сақтау басқармасының басшысы Сәуле Қисықова айтты, деп хабарлайды BasNews.kz Tengrinews.kz-ке сілтеме жасап.
Марқұмның Нұр-Сұлтан қаласының тұрғыны екені айтылады.
Отбасы мүшелері мен жұмыс бойынша қызметкерлер қатарындағы 31 жақын адам ауруханаға жатқызылды. 55 адам байланыста болған, олар үй карантиніне жатқызылды. Сонымен қатар, отбасының екі жақын мүшесінде коронавирустық инфекция тіркелген.
Еске салайық, мұның алдында елімізде коронавирустан 64 жастағы әйелдің қайтыс болғаны хабарланған еді. Кейінірек ол кісінің Алматыға құдалыққа барғаны анықталды.
Соңғы мәліметтер бойынша, Қазақстанда коронавирус жұқтырғандардың саны 325 адамға жетті. 21 адам індеттен жазылып шықты.
