Тұрлыханов ҚР Ұлттық мұражайы қызметкерлерімен кездесу өткізді

ҚР Парламенті Мәжілісінің депутаттығына үміткер Дәулет Тұрлыханов өзінің штаб мүшелерімен бірге ҚР Ұлттық мұражайы қызметкерлерімен кездесу өткізді.

ҚР Ұлттық мұражайы 2013 жылы ашылды. Ең үлкен бірегей мұражай кешені 74000 шаршы метрді құрайды және тоғызыншы қабатқа дейін ауыспалы қабаты бар жеті блоктан тұрады. Экспозициялық алаңды жалпы ауданы 14000 шаршы метрден асатын 18 зал алып жатыр.
Мұражайдың ұлттық қазынаны зерттеу құрылымы ғылыми-зерттеу институтымен ұсынылған. Сондай-ақ, Балалар мұражайы, Балалар шығармашылығы орталығы, екі көрме залы, қалпына келтіру шеберханалары, зертханалар, кәсіби қор қоймалары, оқу залы бар ғылыми кітапхана, конференц-зал, кәдесый дүңгіршектері үшін Үй-жайлар қарастырылған.
Мұражай тиісті әлемдік стандарттарға сай жабдықтармен жабдықталған, экспозициялар үшін заманауи көрме технологиялары пайдаланылады: екі залда жұмыс істейтін арнайы контенті бар бірегей қисық экран, медиа еден, қазіргі заманғы Астананың орталық бөлігінің динамикалық макеті, көптеген медиа экрандар, голограммалар, жарықдиодты LED-техника, сенсорлық дүңгіршектер, үш тілде ақпарат беретін мультимедиялық гид.

ҚР Ұлттық музейінде 2022 жылы 439 іс-шара ұйымдастырылды, оның ішінде 40 халықаралық және республикалық деңгейдегі көрмелер. Тұрақты сақтау үшін мұражай қорына 3,2 мыңнан астам заттар келіп түсті, олардың басым бөлігі жеке тұлғалардан жиналып, ғылыми экспедициялар нәтижесінде табылды.

«Бүгін еліміздегі ең үлкен мұражайға бардық. ҚР Ұлттық мұражайы 2015 жылы өз есігін айқара ашқан сәттен бастап келушілер ағыны үзілген емес. Ішінде бірнеше зал, небір заманауи голограммалар, әлемдік стандарттарға сәйкес жабдықтар орнатылған. Алайда мұражайдың құндылығын жеткізетін оның ұжымы, білікті экскурсоводтар. Бізге тарихтан сыр шертетін мұражайда 400 адам қызмет етеді.

Кездесу барысында пікір алмасып, ұсыныстарын тыңдадым. Бағдарламамда айтқандай, әр азаматтың еңбегі әділ бағалануы тиіс. Көне артефакттармен жұмыс жасайтын қызметкердің жұмыстағы зиянды факторлерлі ескеріліп, денсаулығына көңіл бөлу қажет. Жалақыларын инфляциядан сақтап, жас мамандарға баспаналу болу мүмкіндігін қарастырамын.
Бүгінгі күн ертеңгі тарих. Бүгін бірлесе, жұмыла жасаған жұмысымыздың нәтижесін, жемісін ертеңгі ұрпағымыз көреді деп сенемін», – деді ол.

№1 бір мандатты округ бойынша ҚР Парламентінің Мәжілісі депутаттығына кандидаттың Сайлау қорының қаражатынан төленді.