Абай облысындағы өртке байланысты сотқа дейінгі тергеу басталды
ҚР Экология министрлігі Абай ауданындағы өрт және он төрт адамның өлімі фактісі бойынша сотқа дейінгі тергеу басталғанын мәлімдеді, – деп хабарлайды Basnews.kz тілшісі.
Тергеу Қылмыстық кодекстің 292-бабының 3-бөлігі – «Абайсызда екі немесе одан да көп адамның өліміне әкеп соққан өрт қауіпсіздігі талаптарын бұзу» бойынша жүргізілуде.
Естеріңізге сала кетейік, 9 маусым күні таңертең өрттің ауданы шамамен 30 мың гектарды құрады. Алайда кешке оның ауданы 60 мың гектардан асты. Семейде өртке байланысты төтенше жағдай режимі енгізілді. 9 маусым күні кешке президент Қасым-Жомарт Тоқаев Төтенше жағдайлар министрі Юрий Ильинға Абай облысына өрт орнына баруды тапсырды. Сонымен бірге, 9 маусым күні кешке үш адам қайтыс болғаны белгілі болды. Ақпарат көзінің хабарлауынша, техника жетіспеген, өрт кеш сөндіріле бастаған, өрттің таралуы туралы қате болжам жасалған. Сондай-ақ, 10 маусымға қараған түні Абайда өрттің Қазақстанның ең ірі гидроэлектростанциясы – Шүлбі ГЭС-не жақындап келе жатқаны белгілі болды, алайда облыс әкімдігінде өрттің ГЭС-ке жақындағанын жоққа шығарады.
Семей маңындағы үш ауылдың тұрғындарын эвакуацияланды. Эвакуацияланғандар үшін облыс орталығында тоғыз пункт дайындалды. 9 маусым түн ортасына таман Ақорда Тоқаевтың Вьетнамға сапарын кейінге қалдырғанын және Абай облысындағы өрт аймағына ұшуға ниетті екенін хабарлады. Сондай-ақ, президент Абайдағы өртпен күресу үшін барлық қолда бар ресурстарды жұмылдыруды тапсырды.
Осы сәтте Абай облысының аумағындағы өрт, Greenpeace мәліметтері бойынша, әлемдегі ең ірі болып шықты.
Абай облысындағы өртті сөндіруге әскерилер тартылып, оқиға орнына Қорғаныс министрі барғаны белгілі болды.
Сондай-ақ жағдай тұрақталғаны хабарланды.