Өрт сөндіру қызметінде «Атамекен» телеарнасының журналистері қонақта болды
Күнделікті өмірлерін тәуекелге тігіп, адам өмірін құтқару үшін барын салатын өрт сөндірушілердің қызметімен танысу үшін «Атамекен» телеарнаының журналисі Өрт сөндіру және авариялық-құтқару жұмыстары қызметіне арнайы келді. Өрт сөндірушілердің күнделікті тыныс-тіршілігімен танысып, Қызмет бастығының орынбасары азаматтық қорғау подполковнигі А.Саиповпен сұқбаттасты.
Сұқбат барысында Азиз Саидкулович өрт сөндірушілердің қызметі, ерлігі, жабдықталуы, шығулар туралы кеңінен айтып берді. Сондай-ақ жұмысқа орналасу тәртібі, М.Ғабдуллин атындағы азаматтық қорғау академиясына түсу шарттарын еске салды. Одан әрі №5 өрт сөндіру бөлімінде өрт сөндіру техникалары мен жабдықтарын таныстырды.
Шымкент қаласының ТЖ департаменті «Бүгін мен өрт сөндіруші-құтқарушымын» атты семинар-квест өткізді.Семинардың мақсаты-департаменттің баспасөз қызметінің бұқаралық ақпарат құралдарымен өзара іс-қимылын пысықтау, құтқару құралдарын қолдану дағдыларын көрсету, өрт сөндіруші-құтқарушылар кәсібінің имиджін арттыру, БАҚ өкілдеріне авариялық-құтқару жұмыстарын жүргізу кезінде ТЖ аймағында олардың қызметін құзыретті бағалау үшін ТЖ қызметкерлерінің жұмысын «ішінен» көруге мүмкіндік беру.
Іс-шараға республикалық «Хабар24», жергілікті «Айғақ», «Оңтүстік», «Отырар», «ХанТВ» телеарналарының өкілдері құтқару құралдарын қолдану бойынша практикалық тапсырмаларды орындап, өртті сөндірудің негізгі элементтерін пысықтады және өрт сөндіруші-құтқарушылардың арнайы костюмдерін киді.
Журналистерді өрт сөндіру бөлімшелерінің жұмысымен таныстыру жауынгерлік киім киюден басталды.Мұндай жабдық өрт сөндірушіні жоғары температурада жұмыс істегенде қорғайды. Кәсіби өрт сөндірушілер бір минут ішінде жауынгерлік киімді киіп, көлікке мініп, шақыртуларға шығады. Содан кейін журналистер өздерін өрт сөндірушілер сияқты сезіне алды, олар шынымен де шеберлік пен күшке мұқтаж толық жауынгерлік жабдықты киді.
Гаражда өрт сөндірушілер шығатын техникамен таныстырылды. Бұл автоцистерналар, автосатылар, газ-түтіннен қорғау қызметінің автокөлігі және басқа да техника түрлері.