Облыстық мәслихаттың кәсіпкерлікті, құрылыс, инфрақұрылымды дамыту, жер қатынастары және табиғат пайдалану мәселелері жөніндегі тұрақты комиссияның отырысы
2025 жылғы 20 маусым күні облыстық мәслихаттың кәсіпкерлікті, құрылыс, инфрақұрылымды дамыту, жер қатынастары және табиғат пайдалану мәселелері жөніндегі тұрақты комиссияның мәжілісі өтті.
Комиссия отырысына облыстық мәслихат төрағасы Н.Әбішов, облыс әкімінің орынбасары Т.Қозбеков тұрақты комиссия мүшелері, облыстық мәслихат депутаттары Н.Әшіров, Ж.Ағабеков, Ғ.Қапалбаев, С.Арыстанов Т.Қалмуратов, Е.Ералиев, С.Ералиев, Е.Хандиллаев, Қ.Нышанов қатысты.
Тұрақты комиссияның жұмысын тұрақты комиссия төрағасы С.Көшенов жүргізді.
Мәжілістің күн тәртібінде мына мәселелер қаралды:
1. «2025-2027 жылдарға арналған облыстық бюджет туралы» Түркістан облыстық мәслихатының 2024 жылғы 13 желтоқсандағы №14/180-VІII шешіміне өзгерістер енгізу туралы;
2. Түркістан облысының энергетика және тұрғын үй-коммуналдық шаруашылық басқармасы басшысының басқармаға жүктелген міндеттер мен функциялардың атқарылуы жөніндегі есебі;
3. Облыс әкімдігінің және облыстық тексеру комиссиясының 2024 жылға арналған облыстық бюджеттің атқарылуы жөніндегі есептері;
4. Түркістан облысының кәсіпкерлік және өнеркәсіп басқармасы тарапынан кең таралған пайдалы қазбаларды өндіруге арналған лицензия шарттарының және келісімшарттардың орындалу барысы туралы;
5. Түркістан облысы әкімдігінің дербес құрамындағы өзгерістерді келісу туралы;
6. «Облыстық жер комиссиясының құрамын бекіту туралы» Түркістан облыстық мәслихатының 2024 жылғы 13 желтоқсандағы №14/188-VIII шешіміне өзгеріс енгізу туралы;
7. «Түркістан облысы бойынша әлеуметтік маңызы бар қатынастардың тізбесін айқындау туралы» Түркістан облыстық мәслихатының 2019 жылғы 9 желтоқсандағы № 44/477-VI шешіміне толықтырулар енгізу туралы;
8. «Түркістан облысының облыстық маңызы бар қалаларында бағалау аймақтарының шекаралары және жер учаскелері үшін төлемақының базалық ставкасына қолданылатын түзету коэффициенттерін белгілеу туралы» Оңтүстік Қазақстан облыстық мәслихатының 2001 жылғы 27 маусымдағы № 11/127-II шешіміне өзгеріс енгізу туралы.
Күн тәртібіндегі мәселелерді тұрақты комиссия мүшелері бірауыздан қабылдап, сессияның қарауына енгізу туралы қорытынды қабылдады.