Өскеменде жаңа аллея салынып жатыр

 Өскемен қаласында жаңа демалыс орны пайда болмақ, деп хабарлайды Basnews.kz.

Бұл жайлы қала басшысы Жақсылық Омар Instagram-дағы парақшасында жазды.

«19-шы шағын ауданда жаңа аллея салынуда. Демалыс орнының ұзындығы бір шақырымнан асады. Бүгінде аллеяның жартысы толықтай қолдануға берілді, ал қалған бөлігінде абаттандыру жалғасуда. Бұл жер тұрғындардың сүйікті орнына айналатындығы сөзсіз», – деді ол.

Қала әкімінің мәліметінше, аллея аумағында 350-ден астам көшет отырғызылған. Сондай-ақ орындықтар, қоқыс жәшіктері орнатылып, жарықтандыру жүргізілді.