Алматыда ата-аналардың 20% ғана балаларына Pfizer вакцинасын салдыруға келісіп отыр

30 мыңнан аса алматылық баласына Pfizer вакцинасын салдыруға келісім беріп отыр. Бұл туралы брифингте Алматы қалалық қоғамдық денсаулық сақтау департаменті басшысының орынбасары Светлана Сұлтанғазиева мәлімдеді, – деп хабарлайды Basnews.kz тілшісі.

«Алматыда 12 мен 17 жас аралығындағы 170 мың бала. Оның ішінде ата-ананың 20 пайызы баласына Pfizer вакцина егуге келісті, бұл 30 мыңнан аса ата-ана. Бірақ бұл көрсеткіш артады. Біз вакцинацияға жауапты 20 медициналық ұйымды іріктеп алдық, мамандандырылған бригадалар мектептерге барып, екпе салады», – деп түсіндірді Светлана Сұлтанғазиева.