Қазақстанда бірнеше өңірде төтенше жағдай режимі алып тасталды

Шымкент қаласы және Қарағанды, Түркістан, Шығыс Қазақстан облыстарында төтенше жағдай режимін алып тастау туралы қаулы шықты. Жарлық Ақорда сайтында жарияланды, – деп хабарлайды Basnews.kz тілшісі.

«Төтенше жағдай туралы» Қазақстан Республикасы заңының 9-бабына сәйкес мына өңірлерде 2022 жылғы 14 қаңтардағы сағат 18.00-ден бастап ТЖ режимі алып тасталады:

• Шымкент қаласының шекараларындағы төтенше жағдайдың күші жойылсын.
• Шығыс Қазақстан облысының шекараларындағы төтенше жағдайдың күші жойылсын.
• Қарағанды облысының шекараларындағы төтенше жағдайдың күші жойылсын.
• Түркістан облысының шекараларындағы төтенше жағдайдың күші жойылсын.

Жарлық қол қойылған күнінен бастап қолданысқа енгізіледі.