Президент әкімшілігінің басшысы лауазымына кім тағайындалды
Мемлекет басшысының өкімімен Мұрат Нұртілеу Ұлттық қауіпсіздік комитеті төрағасының бірінші орынбасары лауазымынан босатылып, Қазақстан Республикасы Президенті әкімшілігінің басшысы қызметіне тағайындалды, – деп хабарлайды Basnews.kz тілшісі Ақорда сайтына сілтеме жасап.
Ол Ұлттық қауіпсіздік комитеті төрағасының бірінші орынбасары лауазымынан босатылды.
Мұрат Нұртілеуов 1976 жылы 11 наурызда туған.
Білімі:
1998 ж. – әл-Фараби атындағы ҚазҰУ-дың «халықаралық қатынастар» мамандығын бітірген.
Дипломаттың рангы – бірінші санаттағы кеңесші.
Еңбек өтілі:
1998-1999 жж. – ҚР СІМ мемлекеттік хаттама қызметінің атташесі, референт.
1999-2003 жж. – Қазақстан Республикасының Малайзиядағы елшілігінің атташесі.
2003-2004 жж. – ҚР СІМ Азия және Африка департаментінің екінші хатшысы.
2004-2006 жж. – ҚР сыртқы істер министрінің кеңесшісі.
2007 ж. – ҚР парламенті сенаты аппарат басшысының орынбасары. 2007-2011 жж. – ҚР парламент сенаты аппаратының басшысы.
2011 ж. – ҚР СІМ Азия және Африка департаменті директоры, ҚР сыртқы істер министрілігінің ерекше тапсырмалар жөніндегі елшісі.
2011-2014 жж. – Женевадағы ҚРҮҚ кеңесші-елшісі.
2014-2016 жж. – ҚР президенті әкімшілігінің сыртқы саясат орталығы меңгерушісінің орынбасары.
2016 жылдың наурызы – 2019 жылдың наурызы – Қазақстан Республикасының Финляндия, Эстония Республикаларындағы төтенше және өкілетті елшісі.
2019 жылдың 24 наурызынан бастап – Қазақстан Республикасы президентінің көмекшісі.
2021 жылдың 25 ақпанынан бастап – Қазақстан Республикасы Президенті әкімшілігі бастығының орынбасары;
2022 жылдың 1 мамырынан бастап – Қазақстан Республикасы Ұлттық қауіпсіздік комитеті төрағасының бірінші орынбасары қызметіне тағайындалған.
Мемлекеттік наградалары: «Құрмет» ордені, медаль.
Мұрат Нұртілеуге дейін бұл қызметті Ерлан Қошанов атқарып келді.