BasNewsЖаңалықтар
Жаңаөзенде иттің көмегімен қару-жарақ қоймасы анықталды
Жаңаөзеннің Мамыр ықшам ауданында тұрғын заңсыз қару-жарақ сақтаған, – деп хабарлайды Basnews.kz тілшісі.
Ұлттық ұланның «Батыс» аймақтық бөлімшесінің баспасөз хатшысы Ерболат Сұлтановтың мәліметінше, оқиға кеше кешкілік болған.
Полиция қызметкерлерімен бірге №5548 әскери бөлімнің кинологы, кіші сержант Асан Әбдікәрим «Кэсси» атты иісшіл итпен жедел іздестіру шарасына қатысады. Нәтижесінде ит 34 жастағы жергілікті тұрғынның гаражынан заңсыз сақталған қару-жарақты тапты.
Тексеру кезінде бір аңшы мылтығы мен бір спорттық мылтық табылды.
Жалпы иісшіл иттердің көмегі көп. Былтыр «Детектив» атты қызметтік иттің көмегімен есірткі қылмысы ашылыпты.
