Назарбаев дипломатиялық форумға қатысу үшін Анталияға ұшып келді

Елбасы Нұрсұлтан Назарбаев Түркияның Анталия қаласына ұшып келді, – деп хабарлайды Basnews.kz тілшісі.

Бұл жайында Тұңғыш Президенттің баспасөз хатшысы Айдос Үкібай мәлім етті.

«Нұрсұлтан Назарбаев Түркия президенті Режеп Тайып Ердоғанның шақыртуымен дипломатиялық форумға қатысу үшін Анталияға ұшып келді», – деп жазды Айдос Үкібай Twitter парақшасында.

Оның айтуынша, Анталия дипломатия форумы – ғаламдық және аймақтық өзекті мәселелер бойынша пікір алмасатын дискуссия алаңы.

Биылғы форум «Дипломатияны қайта кодтау» тақырыбында өтеді.