Қазақстанның бірнеше облысында дауылды ескерту жарияланды
«Қазгидромет» РМК хабарлағандай, республиканың басым бөлігінде мамырдың басында ауа температурасының айтарлықтай төмендеуіне қарамастан ол біртіндеп көтеріліп, аптаның соңына қарай 13-25 градус жылы болады. Республиканың оңтүстігінде, оңтүстік-шығысында температураның айтарлықтай ауытқуы болмайды.
3 мамырда күндіз Алматы облысының солтүстігі мен оңтүстігінде найзағай ойнайды. 4-5 мамырда оңтүстікте, облыс орталығында қатты жаңбыр, найзағай, бұршақ жауады.
3-5 мамырда Іле Алатауы мен Жетісу Алатауында қатты жаңбыр, найзағай, бұршақ, көктайғақ болады.
3 мамырда орталықта, Қызылорда облысының шығысында найзағай болады. Солтүстік, солтүстік-шығыстан облыс орталығында жел күші 15-20 м/с.
Күндіз Ақтөбе облысының шығысында шығыстан соғатын желдің екпіні 18 м/с болады.
3 мамырда Ақмола облысының солтүстігінде түнде және таңертең тұман болады.
Батыста, оңтүстікте, Маңғыстау облысының орталығында және Ақтау қаласында найзағай ойнайды.
3 мамырда Түркістан облысының таулы аймақтарында қатты жаңбыр жауады. Облыстың солтүстігінде, батысында, таулы және тау бөктеріндегі аудандарда найзағай ойнап, көктайғақ болады. Күндіз таулы аймақтарда бұршақ жауады.
Шымкент қаласында кей уақытта найзағай ойнап, бұрқасын болады.
Қарағанды облысының оңтүстігінде найзағай ойнайды. Солтүстік-шығыстан соғатын жел облыстың солтүстігінде, оңтүстігінде, шығысында екпіні 15-20 м/с. С
Солтүстік Қазақстан облысының шығысында, солтүстігінде батыстан соғатын желдің екпіні 15-20 м/с болады. Петропавл қаласында 3 мамырда күндіз батыстан жел соғады, екпіні 15-20 м/с болады.