Егде жастағы ер адам шатырдан сырғыған қардың астында қалып, көз жұмды

Шығыс Қазақстан облысында 58 жастағы ер адамды қар басып қалды, деп хабарлайды Basnews.kz Төтенше жағдайлар комитетіне сілтеме жасап.

17 наурызда Алтай ауданы Чапаев ауылында 1962 жылы туған үй иесіне жер үйдің шатырынан қар түсіп, ол алған жарақатынан оқиға орнында көз жұмды.

Қыс мезгілінде республиканың басым аумағында жауған қалың қар көктемде қауіп туғызады. Мысалы күн жылына бастаған кезде үй шатырындағы қалың қар сырғып, төмен түседі. Бұл өте қауіпті, –  дейді ТЖК мамандары.

Осыған байланысты ІІМ төтенше жағдайлар комитеті азаматтарға шатырдағы, сондай-ақ ауладағы қарды уақытылы тазалауды ұсынады.