Нұр-Сұлтанда коронавирус жұқтырған адамның бірі шетелдік

Денсаулық сақтау министрлігі бүгін Нұр-Сұлтанда коронавирус жұқтырған екі адам туралы не белгілі екенін айтты, – деп хабарлайды Basnews.kz.

«Олардың біреуі – 1976 жылы туған шетелдік азамат, Қазақстанға бүгін түнде Лондоннан ұшып келген. Екінші адам – 1970 жылы туған Қазақстан азаматы. Екеуі де стационарда. Жағдайлары қанағаттанарлық», – деді Денсаулық сақтау министрлігінің ресми өкілі Диас Ахметшәріп.

Еске салайық, бүгін Нұр-Сұлтанда тағы 2 адам коронавирус жұқтырғаны белгілі болды. Бүгінде Нұр-Сұлтан қаласы бойынша 31 адам, Алматы қаласында – 22 адам, Қарағанды қаласында – 2, Алматы облысында – 1 адам, жалпы 56 науқас тіркелді.