Коронавирус: астанада 61 бала карантинде жатыр
Елордадағы стационарда барлығы 61 бала карантинде жатыр, – деп хабарлайды Basnews.kz.
«22 наурыз сағат 10:00-дегі жағдай бойынша 1234 адам, оның ішінде 61 бала стационарда жатыр. Оның ішінде Қазақстан азаматы – 30, шетелдік 1 адам бар. Барлығы 10 ер адам, 21 әйел адам бар. 30 бен 49 жас аралығындағы 21 адам, 18 жасқа дейін 2 бала, 19-29 жас аралығында 3 адам, 50-59 жас аралығындағы 4 адам бар. Сонымен қатар, 60 жастан жоғары 1 адам тіркелді», – дейді Қоғамдық денсаулық сақтау басқармасының басшысы Сәуле Қисықова.
Еске салайық, бүгін Нұр-Сұлтанда тағы 2 адам коронавирус жұқтырғаны анықталды. Олардың біреуі – 1976 жылы туған шетелдік азамат, Қазақстанға бүгін түнде Лондоннан ұшып келген. Екінші адам – 1970 жылы туған Қазақстан азаматы. Екеуі де стационарда.
