Нұр-Сұлтанда заңсыз медициналық маска тігіп, сатқандар ұсталды
Елордада полиция рейд кезінде заңсыз медициналық маскаларды тігіп, сатқандарды анықтады, деп хабарлайды Basnews.kz Polisia.kz сайтына сілтеме жасап.
«Пәтерде сатуға арналған бетперде жасайтын екі тігін машинасы, 800-ден астам медициналық маскалар жасауға арналған мата тәркіленді», – деп хабалайды сайт.
Басылым атап өткендей, шектеулерге қарамастан, бірқатар іскер азаматтар санитарлық-эпидемиологиялық стандарттарды бұзған. Маскалар мен антисептикалық препараттарды елордалық тұрғындарға заңсыз ұсынған. Жарнамалық веб-сайт арқылы тауарды 300-ден 800-ге дейінгі бағамен сатуды көздеген.
Рұқсатсыз кәсіпкерлік қызметпен айналысу фактісі бойынша ҚР ҚК 214-бабының 1-тармағы бойынша сотқа дейінгі тергеу басталды. Заңда 2000 АЕК (2020 жылы республикада бір айлық есептік көрсеткіш 2 мың 651 теңге) 2 жылға дейін бас бостандығынан айыру қарастырылған.
Нұр-Сұлтанда төтенше жағдай енгізілгеннен кейін коронавирустың таралуына байланысты медициналық маскалар тапшылығы туындады. Билік алдағы аптада қалаға қосымша 1 миллион маска әкелуге уәде берді. Ал маскалар дәріханаларда белгіленген бағаға (55 теңге), әр адамға 5 данадан аспайды.
Маскалар мен антисептикалық заттармен заңсыз сауда жасаудың тағы бірнеше фактісі тұрғын үй кешендерінің аумағында және сауда үйлері мен дүкендер маңында болған, деп жазады сайт. Атап айтқанда, Аман көшесіндегі сауда үйінің көлік тұрағында антисептиктердің заңсыз сатылымы анықталды.
Қылмыскерден жалпы сомасы 180 мың теңгеге 24 бөтелке антисептикалық препарат алынды. Қазір күдікті ұсталып, оған қатысты әкімшілік хаттама жасалды. Елордада барлығы бес құқық бұзушы Әкімшілік құқық бұзушылық туралы кодекстің 463-бабы (тиісті тіркеусіз кәсіпкерлік немесе басқа қызметпен айналысу) бойынша әкімшілік хаттамалар дайындалды.
Қалалық полиция бөлімінің хабарлауынша, «Әкімшілік құқық бұзушылық» туралы кодекс талаптарына сәйкес табиғи апат немесе басқа да төтенше жағдайлар кезінде заң бұзғандар қатаң жазаланады.
