Кейінгі тәулікте 175 адамнан коронавирус инфекциясы табылды

Қазақстанда коронавирус жұқтырғандар саны көбейді, – деп хабарлайды Basnews.kz тілшісі Денсаулық сақтау министрлігіне сілтеме жасап.

Кейінгі тәулікте 175 жағдай тіркелген, ал бір күн бұрын 140 адам болған еді.

7 желтоқсандағы мәлімет бойынша, 1 447 адам коронавирус инфекциясынан (1 255+ және 192 КВИ-), емделіп жатыр. Соның ішінде 203 науқас стационарда, 1 244 науқас амбулаториялық деңгейде ем қабылдап жатыр.

КВИ+, КВИ- шалдыққандар арасында:

6 адамның жағдайы ауыр,
4 науқастың жағдайы өте ауыр,
5 науқас жасанды тыныс алу аппаратында жатыр.