Павлодарда граната жармақ болған ер адам ұсталды

Павлодарда полицейлер граната жармақ болған 47 жастағы ер адамды ұстады. Қазір саперлер жарылғыш затты тексеріп жатыр, – деп хабарлайды Basnews.kz.

Отбасылық жанжал туралы ақпарат полицияға 11:30-да түскен. Пәтерде мас адам ұрыс шығарып, гранатаны жарып жіберетінін айтқан. Оқиға орнына келген полиция қызметкерлері оны сабырға шақырып, сөйлесе бастаған. Осы сәтті пайдаланған полицейлердің бірі гранатаны ер адамның қолынан жұлып алып, оны залалсыздандырды.

«Барлық арнайы қызметтер оқиға туралы хабардар етілді. Үй тұрғындарын эвакуациялау жүргізілді», – делінген хабарламада.