Жамбыл облысында ауыл тұрғындары төтенше жағдай кезінде құдалық өткізіп, көкпар берген

Жамбыл облысында бірнеше ауылдың тұрғындары төтенше жағдай кезінде көкпар тартып, құдалық өткізген, – деп хабарлайды Basnews.kz ақпарат порталы Polisia.kz сілтеме жасап.

29 наурызда Талапты ауылының 46 жастағы тұрғыны үйінде  қызын ұзатып, қонақ шақырып, құдалық өткізгені анықталды. Оған 10 АЕК (26 510 теңге) мөлшерінде айыппұл салынды.

Ал Нұрлыкент ауылының 37 жастағы тұрғыны 27 наурызда алтыншы ұлының дүниеге келуіне орай көкпар берген. Ол жеті тәулікке қамауға алынған.

Еске салайық, мұның алдында Түркістан облысы мен Таразда төтенше жағдай кезінде беташар жасаған тұрғындардың жазаланғаны хабарланған болатын.