Президент медицина қызметкерлерін кәсіби мерекелерімен құттықтады

Қазақстан президенті Қасым-Жомарт Тоқаев қазақстандық медицина қызметкерлерін кәсіби мерекелерімен құттықтады, – деп хабарлайды Basnews.kz тілшісі.

Мемлекет басшысы өзінің құттықтау сөзін Twitter-дегі ресми парақшасында жариялады.

“Медицина қызметкерлерін кәсіби мерекесімен құттықтаймын! Сіздер өз міндеттеріңізді абыроймен атқарып, ел құрметіне бөленіп жүрсіздер. Ұлт саулығы – басты байлығымыз. Мемлекет денсаулық сақтау саласына әрдайым ерекше назар аударып, дәрігерлерге үнемі қолдау көрсетеді, – деп жазды президент.

Қазақстанда медицина қызметкері күні маусым айының әр үшінші жексенбісінде атап өтілетінін айта кетейік.