Өскеменде ер адам күндіз бір қызға шабуылдап, зорламақ болған

Өскемен тұрғыны оған қала орталығында белгісіз адам шабуыл жасағанын мәлімдеді, – деп хабарлайды Basnews.kz тілшісі Osa_uka_vko Instagram-парақшасына сілтеме жасап.

Қыздың айтуынша, оған ешкім көмектеспеді.

«8 қазанда болған қорқынышты жағдай туралы айтқым келеді. Таңертең ерте әйел үйден шыққанда, белгісіз ер адам тап беріп, зорлау әрекетін жасады. Мұның бәрі қала орталығында болды. Өтіп бара жатқан көліктер мен адамдардың ешқайсысы әйелге көмектеспеді, ол айқайлап жатқан. Бұл түнде саябақтың бір жерінде емес, күннің жарығында болды», – деді қыз.

Күдіктіні артқы жағынан түсірген кадрлар пайда болды.

«Мен бұл адам қылмыстық жазаға тартылып, түрмеге жабылады деп үміттенемін», –деп жазды өскемендік қыз.

ШҚО полиция департаменті күдіктінің ұсталғанын хабарлады.

«Қызға шабуыл жасау фактісі тіркелді, болған оқиғаның барлық мән-жайларын тексеру және анықтау жүргізілуде. Тергеу әрекеттері аяқталғаннан кейін құқықтық баға беріліп, тиісті іс жүргізу шешімі қабылданады», – деді ведомстводан.