BasNewsЖаңалықтар
Қазақы ит тұқымдарын сақтау және өсімін молайту жөніндегі ұйым айқындалды
Экология және табиғи ресурстар министрі 2023 жылғы 22 қыркүйектегі «Қазақ ит тұқымдарын сақтау және өсімін молайту жөніндегі қызметті жүзеге асыратын мамандандырылған ұйымды анықтау туралы» бұйрыққа қол қойды, – деп хабарлайды Basnews.kz тілшісі.
«Қазақстан Республикасы Экология және табиғи ресурстар министрлігі Орман шаруашылығы және жануарлар дүниесі комитетінің «Охотзоопром» өндірістік бірлестігі» республикалық мемлекеттік қазыналық кәсіпорны қазақ жануарларын сақтау және ит тұқымдары өсімін молайту жөніндегі қызметті жүзеге асыратын мамандандырылған ұйым болып белгіленсін», – делінген құжатта.
Бұйрық қол қойылған күнінен бастап күшіне енеді.
Қазақстанда 2023 жылдың 1 шілдесінде қазақ ит тұқымдарын сақтау туралы заң күшіне енді. Заңда уәкілетті органның нормативтік құқықтық актілерді, оның ішінде Қазақ ит тұқымдары ұлттық орталығы айқындайтын актілерді бекіту құзыреті көзделген. Ұлттық орталықта стандарт бойынша қазаққа қолайлы «Тазы» және «Төбет» тұқымды иттері іріктеліп, алдағы уақытта олардың арасынан таза тұқымды үлгілер шығарылатын болады.
Бұған дейін мамандар Тазы мен төбеттерді жаңғыртудың қиындығын да айтқан болатын.