Үшінші мегаполиске Қазақстан Республикасының төтенше жағдайлар вице-министрі келді
Қазақстан Республикасының Төтенше жағдайлар вице-министрі Бауыржан Мәдиұлы Сыздықов Шымкент қаласына жұмыс сапарымен келді.
ҚР Төтенше жағдайлар вице-министрі Бауыржан Мәдиұлы Сыздықов Шымкент қаласының ТЖД құрылымдық бөлімшелеріне барып, онда басшылық және жеке құраммен кездесіп, олардың күнделікті қызметімен танысты.
Өрт сөндірушілермен және құтқарушылармен әңгімелесу барысында Бауыржан Сыздықов Министрлікке жүктелген бірқатар қосымша өкілеттіктер мен міндеттер туралы айтып берді. Бұл ретте ТЖ алдын алу мәселелері мемлекеттік саясаттың негізіне айналады.
Сондай-ақ, ТЖ Вице-министрі Б.М. Сыздықовтың қала әкімі Г. Сыздықбековпен кездесуі өтті. Кездесу аясында Департаменттің басым бағыттары мен міндеттері талқыланды. Талқыланатын мәселелер азаматтық қорғау органдарының қызметін ұйымдастыруға, олардың материалдық-техникалық жарақтандырылуын жақсартуға, ұйымдар мен мекемелердің қала аумағындағы төтенше жағдайлардың алдын алуға және жоюға дайындығының жай-күйіне қатысты болды.
Өрт сөндіруші-құтқарушылар адамдарға көмек керек кезінде үнемі бірінші барады. Олар тек өртті сөндіріп ғана қоймайды, олар авариялық-құтқару жұмыстарын да жүргізеді. Бұл істе оларға ең бірінші көмекші жоғары жүрісті техникалар болып табылады. Аталған техникалар жылдың қай мезгілі болмасын төтенше жағдайлар кезінде жедел әрекет ету үшін қолданылады. Әсіресе қар басуға қатысты орын алған төтенше жағдайлар кезінде кеңінен қолданылады.
Шымкент қаласы ТЖД Өрт сөндіру және авариялық-құтқару жұмыстары қызметінің теңгерімінде жалпы 20 жоғары жүрісті техника бар, оның ішінде: 8 негізгі, 5 арнайы, 7 көмекші техника.
Қыстыңда ауылы алыс емес. Осы орайда қыс мезгіліне жоғары жүрісті техникалар мен жеке құрам дайындығының дәрежесін тексеру мақсатында саптық байқау өткізілді.
Қыс мезгіліне дайындық аясында Қызмет бастығы азаматтық қорғау полковнигі Д. Райханов бөліністердің күштер мен құралдарын тексерді. Жоғары жүрісті техникалар мен жабдықтардың дайындығын байқау барысында Қызмет бастығы өрт сөндірушілер мен құтқарушыларға қыс мезгіліне жоғары дайындықта болуын тапсырып, қолданыстағы техникалардың техникалық жағдайын, керекті құрал-жабдықтармен қамтамасыз етілуін тексерді.