Карантиннің күшейтілуіне орай қазақстандықтарға 42 500 теңгеден беру қажет – заңгер
Белгілі заңгер Жангелді Сулейманов үкіметті карантинді күшейту кезінде уақытша жұмыссыз қалған қазақстандықтарға төлемдер тағайындауға шақырды, – деп хабарлайды BasNews.kz ақпарат порталы Tengrinews.kz-ке сілтеме жасап.
Заңгердің айтуынша, бұрын қазақстандықтарға 42 500 теңге төлеуге негіз болған – төтенше жағдай. Бірақ ТЖ тоқтатылғаннан кейін карантин енгізіле бастады, онда төлемдер қарастырылмаған дейді.
Алайда, маман кейбір адамдардың әлі күнге дейін жұмысқа шыға алмай отырғанын айтады.
«Бізде Еңбек кодексінде «бос тұрып қалғаны үшін ақы төлену» бабы бар. Бос тұрып қалу дегеніміз – бұл ұйымдастырушылық, технологиялық немесе экономикалық факторларға байланысты жұмыс тоқтатылған кезде. Бірақ заңда ол карантин режимі деп жазылмаған. Еңбек министрлігі бос тұрып қалғаны үшін ақы төлеу не екенін түсінбейді, сондықтан мұндай жағдайда төлем беру қажет емес деп санайды. 42 500 мемлекет есебінен тағайындалуы тиіс. Мен міндетті түрде құжаттарды зерттеп, мемлекеттің азаматтардың шығынды өтеуге негіз іздеймін», – деді Сүлейменов.
Сондай-ақ, ол мемлекетке карантин кезінде адамдарға тек ақшамен емес, басқалай да көмектесуді ұсынады.
«Бізде мемлекеттік материалдық резерв деген ұғымы бар. Бұл ТЖ немесе соғыс жағдайында тауарлардың 20 түрін сақтайтын үлкен қоймалар. Онда дәретхана қағазына дейін барлық қажет зат бар. Қазір бұл азық-түлік себеттерін таратуға болады. Олар бүкіл Қазақстанға бірнеше айға жетуі тиіс. Егер, әрине, бұл қоймаларда бірдеңе бар болса», – деп қорытындылады заңгер.
Еске салайық, мұның алдында вице-премьер Ералы Тоғжанов күшейтілген карантин режимі кезінде 42 500 теңге беріле ме деген сұраққа жауап берген болатын. Тоғжанов ТЖ режимі тоқтатылғандықтан, енді оны төлеуге ешқандай негіз жоқ деді.