6 өңірдегі Қылмыстық атқару жүйесі департаментіне жаңа басшылар тағайындалды

ҚР Президенті Әкімшілігінің келісімімен және ҚР Ішкі істер министрі Ерлан Тұрғымбаевтың бұйрығымен бірнеше өңірде Қылмыстық-атқару жүйесі департаменттерінің бастықтары ауысты, деп хабарлайды Рolisia.kz сайты.

1. Атап айтқанда, Ақмола облысы бойынша Қылмыстық-атқару жүйесі департаментінің басшысы болып әділет подполковнигі Шәмшиев Алмас Абжанұлы;
2. Алматы облыстық департаментіне әділет подполковнигі Әбдікәрімов Серік Жақсылықұлы;
3. Алматы қаласының департаментіне әділет подполковнигі Қанатбеков Дархан Тұрсынұлы;
4. Батыс Қазақстан облыстық департаментіне әділет подполковнигі Ізтілеуов Азамат Әбдіғалиұлы;
5. Қарағанды облыстық департаментіне әділет подполковнигі Такешов Ғазиз Әбікенұлы;
6. Солтүстік Қазақстан облыстық департаментіне Ахметжанов Рустан Серікұлы тағайындалды.

«Тағайындалған басшылар бұған дейін облыстардың Қылмыстық атқару-жүйелерінде басшылық қызметтер атқарған және пенитенциарлық жүйеде көпжылдық тәжірибеге ие екендігін айта кету керек», – делінген хабарламада. Айта кетейік, 13 ақпан күні ҚР ІІМ Қылмыстық-атқару жүйесі комитетінің төрағасы ауысты. Ведомствоның жаңа басшысы – Жанат Болатұлы Ешмағамбетов.