Назарбаев Университеті үлгісіндегі жоғарғы оқу орындары қай қалаларда құрылатыны белгілі болды
Премьер-министр Асқар Мамин Қазақстанның қай қалаларында Назарбаев Университеті секілді жоғары оқу орнын құру жоспарланғанын айтты, – деп хабарлайды BasNews.kz.
«2022 жылға қарай Назарбаев Университеті тәжірибесімен Петропавл және Шымкент қалаларында екі озық өңірлік ЖОО құрылады», – деп хабарлады Мамин Мәжілістегі Nur Otan партиясы фракциясының кеңейтілген отырысында.
Сонымен қатар, студенттердің шәкіртақысын екі есеге, магистранттар мен докторанттар шәкіртақысын бір жарым есеге арттыру жоспарланған.
2020 жылғы қарашада Президент Қасым-Жомарт Тоқаев Назарбаев Университеті тәжірибесімен Қазақстанда екі өңірлік жоғары оқу орны құрылатынын хабарлады. Мемлекет басшысы білім мен инновацияның жаһандық жүйесіне енген заманауи зерттеу университеттері білім экономикасының негізі болуы тиіс екенін атап өтті.