Нұр-Сұлтанда карантин туралы жаңа қаулы жарияланды

Ел астанасында карантиндік шектеулерге байланысты қызметкерлердің жартысы қашықтан жұмыс істеуі тиіс. Бұл туралы шектеу және карантиндік шаралары туралы Нұр-Сұлтан қаласының Бас мемлекеттік санитариялық дәрігері С.Бейсенованың қаулысында көрсетілген, деп хабарлайды BasNews.kz қала әкімдігінің ресми сайтына сілтеме жасап.

Санитар дәрігердің шешімі бойынша, Нұр-Сұлтанда Ashyq пилоттық жобасы фитнес-клубтарда, спа-салондарда, сауналарда, бассейндерде, компьютерлік клубтарда және боулингтерде іске асырыла бастайды.

Қоғамдық көлік үшін штаттық режимде жұмыс кестесі белгіленген. Сауда орталықтары мен сауда үйлері де күшейтілген санитарлық-эпидемияға қарсы, санитарлық-профилактикалық шараларды сақтай отырып, штаттық режимде жұмыс істейтін болды. Фуд-корттар жеткізіп беру және алып кету тәртібімен ғана жұмыс істейді. Түрлі акция, жәрмеңке, шоурум, ұтыс ойындарын өткізуге тыйым салынады.

Қоғамдық тамақтану нысандары (мейрамханалар, дәмханалар, барлар, асханалар) жұмыс күндері және демалыс күндері 7.00-ден 24.00-ге дейін жұмыс істей алады. Бұл ретте толтырылу 50 пайызға дейін болуы керек. Ұжымдық, салтанатты шаралар, отбасылық (банкеттер, үйлену тойлары, мерейтойлар, еске алу), мерекелік корпоративтер мен басқа да бұқаралық іс-шараларды ұйымдастыруға және өткізуге қатаң тыйым салынады.

Қаулының толық нұсқасын мына сілтемеден оқуға болады.