BasNewsЖаңалықтар

Жаңаарқа ауданының мектеп түлектері балалар ойын алаңын сыйға тартты

Шәбден Ералиев атындағы ауылдың Оспан Әлібаев атындағы жалпы білім беретін мектебінің 1992 жылғы түлектері оқу орнына балалар ойын алаңын сыйға тартты. Онда әткеншектер және құмсалғыш бар.

Сыйлық құны 3 миллион 225 мың теңге.

– Біз туған мектебіміз бен ауылымызға балалар алаңын сыйлауды жөн көрдік. Біздің мектепте 1–11 сынып аралығында 360 бала оқиды, тағы 30 бала мектепалды даярлық сыныптарында және шағын орталықта 75 бала оқиды. Екі жасқа дейінгі балалар бар, олар әлі ешқайда бармайды. Жалпы, балалар көп, – дейді 1992 жылғы түлек Балдырған Кәдірбаева. – Алаңды барлығы 51 адам жиналып, сыйға тарттық, оның ішінде 9-сыныптан кейін кеткендер де бар. Жастардың біз сияқты мектеп пен ауылды жақсы көргенін қалаймыз.

Түлектер ойын алаңына іргелес аумақты да абаттандырды.

Түлектер ойын алаңына іргелес аумақты да абаттандырды. Жыл сайын түлектер туған ауылына көмектесуге тырысады.

– Біздің мектебіміз үлкен үш қабатты. Ауыл адамдары қайырымды, ықыласты. Жыл сайын түлектер сыйлықтар жасайды. Олардың күшімен біздің ауылды бөлетін өзеннің үстіне жаяу жүргіншілерге арналған көпір орнатылды, сонымен қатар автомобиль көпірі жабдықталды, ауыл атауы бар арка орнатылды, жергілікті мешіт жөнделді. Бұл патриотизмнің көрінісі, – деп атап өтті Ералиев ауылдық округінің әкімі Жанбол Көпбосынов.

Back to top button