Жетісу облысында кәмелетке толмаған қызды зорлап, өлтіріп кеткен
Панфилов ауданында қайғылы оқиға орын алды. Ата-ана полицияға хабарласып, қыздарының кешке құрбысының үйіне кетіп, содан оралмағанын айтқан, деп хабарлайды Basnews.kz
Полиция жоғалған қызды іздестіру бойынша жан-жақты жұмыс жүргізді.
Жедел уәкілдер күдіктіні анықтады.
Қызбен жыныстық қатынасқа түсіп, мұнысы елге аян болады деп қорыққандықтан оны өлтіргенін мойындаған жергілікті тұрғын анықталды, – деп хабарлайды Жетісу облыстық полиция департаментінің баспасөз қызметі
Ол қыздың денесін ауылдың шетіне көміпті. Мәйіт топырақ астынан алынып, сот-медициналық сараптама жүргізуге жолданды.
ҚР ҚК 99-бабы 2-бөлігі 3-тармағы (Айыптының дәрменсіз күйдегі адамды өлтіруі), 10-тармағы (өзге қылмысты жасыру мақсатында) және 14-тармағы (Кәмелетке толмағанды өлтіру) бойынша қылмыстық іс тіркелді, олар бойынша өмір бойына бас бостандығынан айыруға дейін жаза қарастырылған. Ал ҚР ҚК-ның 120-бабы 3-1-бөлігі (Кәмелетке толмаған адамды зорлау) 17 жылға дейін бас бостандығынан айыруды көздейді, – деп хабарлайды Жетісу облыстық полиция департаментінің баспасөз қызметі
Күдікті УҰИ-ға қамауға алынды, іс бойынша бірқатар қажетті сараптамалар тағайындалды.
Тергеуді облыстық полиция департаментінің тергеушілері жүргізеді.