Ұйқының қанбауы баланың зейініне, жадысына, көңіл-күйіне кері әсер етеді – зерттеу
Мэриленд университетінің ғалымдары осындай қорытындыға келді. Олардың пікірінше, балалардың ұйқысының қанбауы депрессия, мазасыздық және импульсивті мінез-құлық қаупін арттырады, деп хабарлайды Basnews.kz
Бастауыш мектеп жасындағы балалар күніне кемінде тоғыз сағат ұйықтауы керек. Бұлай болмаған жағдайда тәулігіне тоғыздан 12 сағатқа дейін ұйықтайтын балалармен салыстырғанда мұндай баланың миында есте сақтау, ақыл-ой және әл-ауқатқа жауап беретін белгілі бір аймақтарында айтарлықтай өзгерістер орын алады, деп жазады gazeta.ru.
Зерттеуге тоғыздан 10 жасқа дейінгі 8 300-ден астам бала қатысты. Ғалымдар МРТ деректерін тіркеп, медициналық жазбаларды және қатысушылар мен олардың ата-аналары толтырған сауалнамаларды зерттеді. Ерік білдірген адамдарды одан кейінгі екі жыл бойына өз бақылауларына алды.
Біз ұйқысы қанбаған балаларда ұйқысы қанып тұратын балалармен салыстырғанда мидың назар, есте сақтау және эмоция қабілеттеріне жауап беретін аймақтарында сұр зат аз болғанын байқадық, – деді зерттеу авторы Зе Ванг.