Желіні дүрліктірген суреттер: мамандар көгершін өлексесіне қатысты түсініктеме берді

Әлеуметтік желіде Алматы саябағында әлсіреген көгершіндердің суреті пайда болды. Орман шаруашылығы және жануарлар әлемі комитеті жағдайды түсіндірді, деп хабарлайды Basnews.kz.

«Біз бүгін Алматыда 28 панфиловшы саябағындағы әлсіреген көгершіндер мен құс өлексесі түсірілген суреттерді алдық», – деп жазды әлеуметтік желіде комитеттің баспасөз хатшысы Сәкен Ділдахмет.

Аталмыш оқиғаға байланысты Алматы облыстық аумақтық орман шаруашылығы және жануарлар әлемі инспекциясының мамандары саябаққа барады. Ділдахмат өзге мемлекеттік орган өкілдері де баратынын айтты. Олар тиісті сынамалар алып, зертханалық зерттеу жүргізеді.

«Құстардың мұндай күйінің нақты себебі зерттеу қорытындысы бойынша белгілі болады», – деді ведомство өкілі.