Елордалық соттың төрағасы Тілектес Бәрпібаевқа қатысты тергеу басталды

Сыбайлас жемқорлыққа қарсы іс-қимыл агенттігінің Нұр-Сұлтан қаласы бойынша департаменті ҚР Жоғарғы сотының ішкі қауіпсіздік қызметімен бірлесе Нұр-Сұлтан қалалық сотының төрағасы Тілектес Бәрпібаевқа қатысты тергеу бастады, деп хабарлайды BasNews.kz Агенттікке сілтеме жасап.

«Тексеру барысында жеке ұшақты бизнесменнің жалдағаны анықталды. Аталған бизнесмен Барпибаевтың (құдасы) туысы болып отыр. Ұшақ Германияда медициналық операция жасау үшін жалданған», – делінген хабарламада.

Бұл тұрғыда Жоғарғы сот комиссиясы Бәрпібаевтың судья этикасы талаптарын сақтауын тексеруде. Тексеру нәтижесі бойынша тиісті шешім қабылданады.