Мұнай компаниясының екі қызметкері түсініксіз жағдайда қайтыс болды

Қызылорда облысында мұнай компаниясының екі жүргізушісі жұмбақ жағдайда қайтыс болды, – деп хабарлайды Basnews.kz тілшісі облыстық ТЖД баспасөз қызметіне сілтеме жасап.

Оқиға 3 ақпанда «Арысқұм» кен орнында болған. Қайтыс болған екі адам да қосалқы мердігер жүргізуші болып жұмыс істеген.

«3 ақпанда сағат 11:38 шамасында «Саутс Ойл» ЖШС қызметкерлері қайтыс болды», – делінген ведомство хабарламасында.

Ведомство мәліметінше, біреуі демалыс бөлмесінде, екіншісі көлікте өлі табылған.