Таиландта суға батқан қазақстандық жігіт көз жұмды

Таиландта демалыс кезінде суға батқан қазақстандық Артур Ысқақов көз жұмды, – деп хабарлайды Basnews.kz тілшісі.

24 жастағы жігіттің жан тапсырғаны туралы әпкесі әлеуметтік желілерде айтты. Қазақстандық есін жимай, қаза тапты.

«Артур енді бізбен бірге емес», – деп жазды қыз.

Артурдың денесі жақын арада Қазақстанға жеткізіледі.

Осыған дейін Таиландқа демалуға барған Артур Ысқақов жұбайын құтқармақ болған кезде суға батып, ауыр халде ауруханаға жатқаны хабарланды.