«Вирусты анықтайтын тест жасатсаң өлесің» деген хабарлама тарады

Әлеуметтік желілер мен мессенджерлерде тараған хабарлама жұртты әбігерге салған еді, – деп хабарлайды BasNews.kz.

Қарағанды облысының полиция департаменті бұл ақпаратты жоққа шығарды.

«Бұл хабарлама шындыққа жанаспайды. Мұндай хабарлама таяуда көрші елдердің БАҚ-тарында жарияланғанын айтқымыз келеді. Онда да бұл мәлімет жоққа шығарылған еді. Қарағанды облысының полиция департаменті әлеуметтік желілерде тараған қауесеттерге сенбеуге шақырады. Мемлекеттік органдардың ресми мәліметтеріне сенуді сұраймыз. Жалған мәлімет таратқандардың жеті жылға дейін бас бостандығынан айырылуы мүмкін екенін ескертеміз», – деді полицейлер.

Ал, жалған хабарлама мәтіні мынандай:

«Барлығыңның үйлеріне дәрігерлер мен полицейлер келеді. Кез келген сараптамадан бас тартыңыз. Сіздің бас тартуға құқығыңыз бар. Бұл тест емес, бұл ауру жұқтыру. Бұл халықтың санын 1 миллиардқа дейін азайтудың жолы. Дәрігерлердің өзі қай материалда вирус барын білмейді де! Сосын сізден тағы да екінші рет тест тапсыруды сұрайды, екінші рет тапсырғанда сізден вирус анықталады. Ал вирус бары расталса, сізге екпе жасайды. Ол екпеде наночип пен вирустың мутогені болады!

Бұл сізді баяу өлтіреді деген сөз сөз. Екпе жасаған адам жарты жылдан соң қайтыс болады. (…) Карантин аяқталғанша ешкімге есік ашпаңыздар, екпе жасауларына рұқсат бермеңіздер! Барлығына ескертіңіздер!», – делінген хабарламада.