Мемлекет кепілдік берген заң көмегі аясында құқықтық көмек көрсетілді
Шымкент қаласы Әділет департаментінің мамандары және қала адвокаттарымен Шымкент қаласы жұмыспен қамту және әлеуметтік қорғау басқармасының «№3 арнаулы әлеуметтік қызметтер көрсету орталығының» қызмет алушыларына құқықтық көмек көрсетілді.
Іс-шара барысында өмірлік қиын жағдайға тап болған аналарға мүлікті бөлісу, бұғатталған шоттарды шешу, алимент өндіру, туу және некені бұзу туралы куәліктер алу, сондай-ақ мұрагерлік іске қатысты құқықтық кеңестер берілді.
Шымкент қаласы Әділет департаментінің ұйымдастыруымен №78 түзеу мекемесінде «Әділет кеңес береді» акциясы өтті. Кездесуге Шымкент қаласы Әділет департаменті басшысының орынбасары Б.Усипбеков, Департаменттің коммерциялық емес ұйымдарды тіркеу және тіркеу қызметі саласындағы бақылау бөлімінің басшысы Д.Ботан, құқықтық түсіндіру жұмысы және халыққа заңгерлік қызмет көрсету бөлімінің бас маманы Б.Абдалиева, Шымкент қаласы адвокаттар алқасының адвокаттары А.Ибатов, М.Мадатов, С.Сұлтанбекова, заң кеңесшілері А.Мырзагалиева, А.Акылбековалар қатысты. Басқосу барысында сала мамандары жазасын өтеушілерге кешірім қағазын алу, жаза мерзімін жеңілдету, денсаулығының жарамсыздығына байланысты мүгедектікке шығу, баласының тегін өзгерту, неке бұзу, зейнетақы және балаға жәрдемақы тағайындауға қатысты құқықтық кеңестер берді.
Шымкент қаласы Әділет департаменті басшысының орынбасары Б.Усипбековтың басшылығымен, Департамент мамандарының, Еңбек және әлеуметтік қорғау комитетінің Шымкент қаласы бойынша департаментінің зейнетақы және әлеуметтік қамсыздандыру бөлімінің басшысы А.Сматованың, Еңбек және әлеуметтік қорғау комитетінің Шымкент қаласы бойынша департаментінің методология және бақылау бөлімінің бас маманы Г.Каратаеваның, «Азаматтарға арналған үкімет мемлекеттік корпорациясы» КЕ АҚ Шымкент қаласы бойынша филиалы Абай ауданы әлеуметтік қамсыздандыру бөлімінің бас маманы А.Ахмедовтың, «Ай-Нұры» медициналық орталығының бөлім меңгерушісі М.Сатбаеваның, адвокаттар мен заң кеңесшілерінің қатысуымен Шымкент қаласы жұмыспен қамту және әлеуметтік қорғау басқармасының «№10 арнаулы әлеуметтік қызметтер көрсету орталығының» қызмет алушыларына «Әділет кеңес береді» акциясы өтті.