Топқайың ауылында Beeline байланыс операторының базалық станциясы іске қосылды

Катонқарағай ауданына қарасты Топқайың ауылында «Картел» ЖШС-нің (Beeline бренді) ұялы байланыс базалық станциясы пайдалануға берілді. Ол ауыл тұрғындарын тұрақты мобильді байланыспен және интернетпен қамтамасыз етеді, деп хабарлайды Buqara.kz сайтының тілшісі.

Жоба облыстық бюджеттен қаржыландырылып, цифрлық теңсіздікті жою және шалғай елді мекен тұрғындарын заманауи телекоммуникациялық қызметтермен қамтамасыз етуді мақсат етті.

— Базалық станцияны іске қосу — ауыл тұрғындарының өмір сапасын арттырудағы маңызды қадам. Байланыс — жай ғана қолайлылық емес, білімге, медицинаға, мемлекеттік қызметтерге және шұғыл қызметтерге қолжетімділік», — деп атап өтті аудан әкімдігінде.

Енді Топқайың тұрғындары тұрақты мобильді байланыс пен интернетті пайдалана алады деп күтілуде. Бұл жастар, кәсіпкерлер және әлеуметтік сала қызметкерлері үшін маңызды.