Азия ойындарынан тарихи қола медаль: Нұрсыйла Берікбол Ұлытау облысының намысын асқақтатты!
Бүгін Сәтбаев қалалық балалар мен жасөспірімдер спорт мектебінің дарынды спортшысы Нұрсыйла БерікболБахрейнде өтіп жатқан 3rd Asian Youth Games Bahrain 2025 жарысында қола медаль жеңіп алып, еліміздің намысын асқақтатты! Бұл – Ұлытау облысының тарихындағы алғашқы Азия ойындарының медалі, яғни аймақ спорты үшін тарихи маңызды жетістік.
Нұрсыйла бұған дейін де халықаралық аренада бірнеше жарыстарға қатысып, ел намысын абыроймен қорғап, тұрақты түрде жоғары нәтижелер көрсетіп келген дарынды спортшы. Оның осы жетістігі — ұзақ жылғы еңбек, төзімділік пен шеберліктің жемісі.
Спортшының бұл жеңісінде бапкері Бахрадин Нұрсұлтан Дастанбекұлының еңбегі зор. Олардың бірлескен еңбегі, үздіксіз дайындықтары мен стратегиялары осы тарихи нәтижеге жол ашты. Бапкер мен шәкірттің ұжымды жұмысы — болашақ чемпиондарды тәрбиелеудің тамаша үлгісі.
Бұл тарихи жеңіс — тек Нұрсыйла мен оның бапкері үшін ғана емес, барлық Ұлытау облысы үшін үлкен мақтаныш. Сондай-ақ, бұл жетістік жас спортшыларға үлкен мотивация береді, олардың өз армандарын жүзеге асыруға, халықаралық деңгейде ел намысын қорғауға талпынуына серпін береді.
Ұлытау облысының спорт мектептері мен жаттықтырушыларына да бұл үлкен ынталандыру болып отыр: аймақ спортының дамуы мен жас таланттарды қолдау жалғаса береді. Осы жетістік болашақта жаңа жеңістерге, жаңа медальдарға және халықаралық ареналарда Ұлытау облысының атын биік көтеруге шабыт береді.
